الرئيسية
أحدث الصور
كل إبريل وانتم طيبين
لم يجئنا البيان التالى
كأى أسرة مصريه أصيلة .. اجتمعت حول التلفاز لمشاهدة مسلسل السابعه والربع ... فوجئت بالإرسال ينقطع ..
ويظهر عنوان صادم فى الواجهة بأنه :
لـم يجئنـــــــــــا البيـــــــــــــــــان التالـــــــــــــــــــــى .
بنرحب بيكم حضرات المشاهدين وننقل لكم نشرة الأخبار ، ونبدؤها غير أى نشرة بتحترم نفسها .. بالتفاصيل على طول من غير عناوين !
تصريحات مصدر مسلول : الطناش كتير والسراير تشيل .
صرح مصدر مسلول فى وزارة العافية - الصحه سابقاً - رفض ذكر " مرضه " لصحيفة * ذا ايجيبشين توداى * الناطقه بالهنديه ،
تعليقا على بعض الأشاعات المغرضة الفاكسه - على حد تعبيره يعنى - اللى بتقول إن مصر تتمتع بأدنى مستويات الخدمات الصحيه على مستوى العالم .. وإن مفيش سرنجات ولا قطن وشاش كفايه فى المستشفيات ..
والعيان بيجى بشاشه ، وده طبعاً إذا كان عنده لياقة كافيه انه يلحق له سرير قبل غيره ،
فرد وقال " هأو أو أأأأأأأأووو .. طب والنبى ده كلام يدخل العقل يا جدعان ؟
بلد فيها 80 مليون مواطن ، واكلين شاربين نايمين وعيشتهم زى الفل .. فين وفييين لما حد فيهم سره الإلهى يطلع ..
طب انزل كده أى مشوار فى القاهرة ويا سلام لو رايح التحرير .. لو دكر - ويرددها بعنف - تعرف تطلع من إشارة الميدان ؟
وده إن دل على حاجة ، فعلى إن الكلام ده " مخلى " من الصحة .. الناس بيتكاثروا وبينتشروا ويتوغلوا .. معنى كده
إن الخدمات الصحية على أفضل ما يكون .. القطن كتير والشاش كتير .. والسراير تشيل من الحبايب ألف ..
بس اطلعوا منها أنتو يا .. - كح كح أتشو ... كح - عدم اللامؤاخذه ... صدرة قافش عليا !
" قال لك إضراب ... !!! " هأااااااااااااااووووووو .
فى موضه جديدة ، يمارسها المصريون على نطاق واسع هذه الإيام .. ألا وهى الإضراب والامتناع عن العمل ،
والاعتصام من أجل نيل حقوقهم .. ظهرت مؤخراً فى الأسواق حركة جديدة تَدعى : " قالك ... إضراب !! "
وتهدف تلك الحركة لتنظيم إضراب للتنديد فيه بنظام الإضراب نفسه ... وصرّح مسئول مهم فى الحركة ، رفض ذكر اسمه ، لأن كل المسئولين يرفضون ذكر أساميهم على حد قوله ، لجريدة ( هرمين كبار وهرم صغنن جنبيهم )
بإنه : " إضراب إيه يا بيه .. إنت فاكر إن اللى بيضرب دا بياخد حاجة من حقوقه ؟ دول ناس فاضية يا عم ، تلاقيهم واخدين الشندوشتات الصبح وتَرمس الشاى وحصيرة وتسألهم رايحين فين ؟..
يقول لك رايحين الإضراب ! تقولش رايحين القناطر !! فإحنا شَفنا لإن هم مش أحسن مننا فى حاجة ..
لو كانوا ابتكروا موضة الإضراب .. فإحنا قررنا نضرب عن الإضراب نفسه .. وخلى كلب يفتح بقه بقى !! "
أوسكار السينما المصرية
ما زالت السينما المصرية ، كعادتها ، تبهرنا بالأداء الممتاز فوق الخيال ، وبعد عمل الأحجبة والأعمال السحرية اللازمة لمّينا كل جوائز الأوسكار وخلينا عم أوسكار شخصياً يَكلّف نفسه ويعمل تماثيل وجوايز زياده ، غير عزومة الفته
والكوارع بتاعت كل سنة ، وجاءت جائزة أروش ممثل لــ " شاعر حسنى " ، بعد أن فشلت لجنة التحكيم فى تصنيفه
سواء كمطرب أو مؤلف أو ملحن أو شاعر أو سينارست أو مخرج أو حتى مرضعة !
الأمر اللى خلاهم يعملوا جائزة خاصة بعد الروشه اللى جابها للجنة التحكيم ، بالإضافة لإعجابهم الشديد بأغنيته الجديدة " الحب اللى جانى .... غير الأولانى "
ولقب ممثلة الــ CooL فازت بيه الفنانة الواعدة الصاعدة المتلعلعة المبهرة " تفيدة زرع النوى "
بعد تخطيها عدداً من عمليات التجميل والتفخ والشد والترميم ، بينما فازت الممثلة العتيقة فى كار التمثيل
" أحلام سماعين " بجائزة تم ابتداعها خصيصا ً لمصر ، وهى جائزة " أفضل منتجة أفلام " ،
حيث قامت بإنتاج فيلم على نفقتها الخاصة ، ظهرت فيه بدور خّرابة بيوت وخطّافة رجالة ، أدت فيه أداء مبهراً ،
لم يحتمل معه المصريون مشاهدة الفيلم فى أى من دور العرض ، الفيلم يحمل الاسم الفريد " الخلطة السرية "
فى نفس الوقت الذى استطاع فيه أفيش فيلم " علقة موت " نيل جميع جوائز الأفيشات ، وحاز على كل التصويتات
من جميع المصوتين والمصوتات فى المهرجان ، نظراً لعبقريته وتفرّده وإبداع مصمميه ، والقدرة على حشو هذا الكم من النجوم فيه ، هذا وقد سارع الشباب بتقليد " الشحات مبروك " فى النضارة " الشمس " وأصبح الريأكشن الصادق
لــ " ممدوح فرج " هو الريأكشن المحبب عند الرجال !
نَشِر فى جريدة " يا الأربع يا الخميس ... شوف إنت بقى ! "
نجم الزمالك بطل العالم ..." حبلص أبو الحلابيص "
" حلبص أبو الحلابيص ... من بعدك إحنا بلابيص " .. هتاف الزملكاويه الجديد ..
فى عادة - ربنا ما يقطعها - استطاع الزمالك وللمره العاشرة على التوازى ، إحراز كأس العالم للأندية .. لدرجة أصابت
الأوساط الكروية على مستوى العالم بالملل التام ، مما دفع الفيفا لإرسال إنذار رسمى لإدارة النادى
قائلين : اللى يكسب لواحده يزور ! ومرة عليك ومره عليا !!
ولكن هيهات ، فالزملكاوية لن يتنازلوا عن بطولتهم المفضلة أبداً وكالعادة تلاعب برنس الملاعب وبابا غنوجها " حلبص "
نجم هجوم الزمالك ، بمدافعى برشلونة وحارس مرماها والجمهور وبينا إحنا شخصياً ، وأحرز هدف الفوز فى الدقيقة الاولى
من المباراة !!! وما تلى ذلك كان أشبه بالتقسيمة .. مما دفع جماهير الزمالك لاختراع هتاف جديد تقديراً لمجهود حلبص
فى إحراز البطولة كل عام مرددين : " حلبص يا أبو الحلابيص .. من بعدك إحنا بلابيص ""
جاء ذلك على لسان مراسل القناة التامنة الرياضية .
" كوكا سمباكو .. كل دى أجازاكو "
ذكرت صحيفة " اليابانى اليوم " ، أن المواطن " واكهاما يوكاهما " قد انتحر اليوم ، عن طريق شنق نفسه تاركاً بجواره
ورقه مكتوب فيها " كوكا سمباكو .. كل دى أجازاتو "
أى
" إزاى الناس بتاخد الأجازات دى كلها .. أمال بيشتغلوا وبينتجوا إمتى يا عم "
وذكرت صديقته " تويوتا كورولا " .. أن واكهاما كان متابعاً بشغف لجدول العطلات الرسميه فى مصر .. وأبدى اندهاشاً
من هذا الكم من العطلات طوال العام .. ولم يتحمل سماع خبر عن عطله جديدة .. فانتحر على الفور .. حيثَ إنه ورد
للصحيفة أن مصر اعتمدت يوم 19 مارس عطله رسمية بمناسبة " تحرير طابا " متذكرين أخيراً أنه قد تم تحرير طابا التى لم تنل
بعد نصيبها المفروض من العطلات الرسمية ! ومن الجدير بالذكر ،
أن اليابانيين يعملون 10 أيام فى الاسبوع الواحد ، رافعين شعار ... "" لا يا ساكو لا .. اجازاكوا تانى ... لا !!! "
الفلبينيين جامدين .
استقدام مذيعات فلبينيات فى قنوات المسابقات .. هو أخر صيحه فى عالم الفضائيات .. فبعد إصابة المشاهدين
بجميع أنواع العته المنغولى .. والتخولف العقلى نتيجة مشاهدتهم قنوات المسابقات إياها بكثافة غير عادية ....
بالإضافة إلى تطليق عدد لا بأس بيه من الأزواج من معدومى العصمة .. نظراً لبصبصتهم على البناتيت القمامير اللى
بيطلعوا على الهوا مرددين " يلا كلمونا .. كلمونا يلا . " بنعومة ودلع وسهتنه مبالغ فيها ... فقامت عدة زوجات برفع قضايا ،
قاصدين خراب بيت أصحاب القنوات دى ، مما جعلهم يسارعون بفصل جميع البناتيت ، واستقدام خادمات فلبينيات
لا يفهمن العربية .. ويكتفين بالضحك والبرطمة بالفلبينية .. وتسييق أرضية القناة على الهواء مباشرة !
خبر على لسان مراسل قناة " أخبار التيت "
منظمة " عد معايا والنبى يا ضنايا " العالمية .
المصريون أكثر الشعوب انبساطاً وفرفشة ! تصريح عجيب وغريب أصدرته منظمة " عد معايا .. والنبى يا ضنايا " العالمية ..
تعلن فيه أنه بعد قيامها بعمل مسح إحصائى لعدد كبير من شعوب الأرض .. وّجد أن المصريين هم أكثر الشعوب روقانّا
وانبساطاً وإن اللى يقول غير كده ، يبقى واطى ومتواطى ...
إذ أنه لا يعقل أن يقوم شعب واحد بأنتاج هذا الكم من النكت والمطربين والأغانى وقوانين المرور والجرايد والمجلات
وبرامج المسابقات والفتاوى والدعاة وغيرها .. إلا لو كان شعب رايق ومزاجه عالى .. ومعندوش حاجه يعملها ..
وقد أصيب من قاموا بعمل المسح الأحصائى بحاله من الاندهاش العجيب نظراً لحماس المصريين غير الطبيعى لحلقات المفتش كرومبو ..
واجتماع الأسرة المصريه حول التليفزيون لحل اللغز .. فى حين رددت الحاجة " رقية " بعد فوزها بـ 1000 $ بأعجوبة ،
وبعد حماس فى الاتصالات منقطع النظير بــ " ربنا يكرم كرومبو .. ويخليه لأمه ! " نقلاً عن قناة " الحصيرة "
160 مليون فرصة عمل .. تفاصيل الخبر
فى لقاء نارى مع الأستاذ زمباوى جاب الحته السماوى ، المسئول المهم فى " وزارة القوى العاملة " فى أخطر تصريح
هذا العام بأن " الشغل عبى قفا من يشيل .. أنا مش فاهم الشباب اللى بيدّعوا إن مفيش شغل ... بيجيبوا الإشاعات دى منين بس ؟!...
ديك النهار وفرنا بتاع 160 مليون فرصة عمل !! يعنى ضعف عدد سكان البلد دى !! عشان نوسع " الأوبشنز "
ونغرق الشباب فى " الكماليات " و " نجنط " المسائل .. اللى مش عجباه الشغلانة دى ، يأخد غيرها ، والجو حر فى دى
يأخد واحده مكيفة ، دى مفيهاش بوفية لزوم الشندوشتات ، يشوف واحده فيها بوفية ، ودى كلها خناشير وعايز تطريه ...
وماله ... نعمل إية بقى أكتر من كده .. نقطع نفسنا يعنى ؟! وأنا بقول أهو من خلال جورنالكم إن مكتبى مفتوح
24 ساعة عشان أستقبل الشباب .. لدرجة إنى مش لاقى وقت أشتغل !
إحمدوا ربنا بقى .... غيركوا مش لاقى !
حوار سيد المحوراتى -- جريدة " الصبح بدرى باليل
لم يجئنا البيان التالى
كأى أسرة مصريه أصيلة .. اجتمعت حول التلفاز لمشاهدة مسلسل السابعه والربع ... فوجئت بالإرسال ينقطع ..
ويظهر عنوان صادم فى الواجهة بأنه :
لـم يجئنـــــــــــا البيـــــــــــــــــان التالـــــــــــــــــــــى .
بنرحب بيكم حضرات المشاهدين وننقل لكم نشرة الأخبار ، ونبدؤها غير أى نشرة بتحترم نفسها .. بالتفاصيل على طول من غير عناوين !
تصريحات مصدر مسلول : الطناش كتير والسراير تشيل .
صرح مصدر مسلول فى وزارة العافية - الصحه سابقاً - رفض ذكر " مرضه " لصحيفة * ذا ايجيبشين توداى * الناطقه بالهنديه ،
تعليقا على بعض الأشاعات المغرضة الفاكسه - على حد تعبيره يعنى - اللى بتقول إن مصر تتمتع بأدنى مستويات الخدمات الصحيه على مستوى العالم .. وإن مفيش سرنجات ولا قطن وشاش كفايه فى المستشفيات ..
والعيان بيجى بشاشه ، وده طبعاً إذا كان عنده لياقة كافيه انه يلحق له سرير قبل غيره ،
فرد وقال " هأو أو أأأأأأأأووو .. طب والنبى ده كلام يدخل العقل يا جدعان ؟
بلد فيها 80 مليون مواطن ، واكلين شاربين نايمين وعيشتهم زى الفل .. فين وفييين لما حد فيهم سره الإلهى يطلع ..
طب انزل كده أى مشوار فى القاهرة ويا سلام لو رايح التحرير .. لو دكر - ويرددها بعنف - تعرف تطلع من إشارة الميدان ؟
وده إن دل على حاجة ، فعلى إن الكلام ده " مخلى " من الصحة .. الناس بيتكاثروا وبينتشروا ويتوغلوا .. معنى كده
إن الخدمات الصحية على أفضل ما يكون .. القطن كتير والشاش كتير .. والسراير تشيل من الحبايب ألف ..
بس اطلعوا منها أنتو يا .. - كح كح أتشو ... كح - عدم اللامؤاخذه ... صدرة قافش عليا !
" قال لك إضراب ... !!! " هأااااااااااااااووووووو .
فى موضه جديدة ، يمارسها المصريون على نطاق واسع هذه الإيام .. ألا وهى الإضراب والامتناع عن العمل ،
والاعتصام من أجل نيل حقوقهم .. ظهرت مؤخراً فى الأسواق حركة جديدة تَدعى : " قالك ... إضراب !! "
وتهدف تلك الحركة لتنظيم إضراب للتنديد فيه بنظام الإضراب نفسه ... وصرّح مسئول مهم فى الحركة ، رفض ذكر اسمه ، لأن كل المسئولين يرفضون ذكر أساميهم على حد قوله ، لجريدة ( هرمين كبار وهرم صغنن جنبيهم )
بإنه : " إضراب إيه يا بيه .. إنت فاكر إن اللى بيضرب دا بياخد حاجة من حقوقه ؟ دول ناس فاضية يا عم ، تلاقيهم واخدين الشندوشتات الصبح وتَرمس الشاى وحصيرة وتسألهم رايحين فين ؟..
يقول لك رايحين الإضراب ! تقولش رايحين القناطر !! فإحنا شَفنا لإن هم مش أحسن مننا فى حاجة ..
لو كانوا ابتكروا موضة الإضراب .. فإحنا قررنا نضرب عن الإضراب نفسه .. وخلى كلب يفتح بقه بقى !! "
أوسكار السينما المصرية
ما زالت السينما المصرية ، كعادتها ، تبهرنا بالأداء الممتاز فوق الخيال ، وبعد عمل الأحجبة والأعمال السحرية اللازمة لمّينا كل جوائز الأوسكار وخلينا عم أوسكار شخصياً يَكلّف نفسه ويعمل تماثيل وجوايز زياده ، غير عزومة الفته
والكوارع بتاعت كل سنة ، وجاءت جائزة أروش ممثل لــ " شاعر حسنى " ، بعد أن فشلت لجنة التحكيم فى تصنيفه
سواء كمطرب أو مؤلف أو ملحن أو شاعر أو سينارست أو مخرج أو حتى مرضعة !
الأمر اللى خلاهم يعملوا جائزة خاصة بعد الروشه اللى جابها للجنة التحكيم ، بالإضافة لإعجابهم الشديد بأغنيته الجديدة " الحب اللى جانى .... غير الأولانى "
ولقب ممثلة الــ CooL فازت بيه الفنانة الواعدة الصاعدة المتلعلعة المبهرة " تفيدة زرع النوى "
بعد تخطيها عدداً من عمليات التجميل والتفخ والشد والترميم ، بينما فازت الممثلة العتيقة فى كار التمثيل
" أحلام سماعين " بجائزة تم ابتداعها خصيصا ً لمصر ، وهى جائزة " أفضل منتجة أفلام " ،
حيث قامت بإنتاج فيلم على نفقتها الخاصة ، ظهرت فيه بدور خّرابة بيوت وخطّافة رجالة ، أدت فيه أداء مبهراً ،
لم يحتمل معه المصريون مشاهدة الفيلم فى أى من دور العرض ، الفيلم يحمل الاسم الفريد " الخلطة السرية "
فى نفس الوقت الذى استطاع فيه أفيش فيلم " علقة موت " نيل جميع جوائز الأفيشات ، وحاز على كل التصويتات
من جميع المصوتين والمصوتات فى المهرجان ، نظراً لعبقريته وتفرّده وإبداع مصمميه ، والقدرة على حشو هذا الكم من النجوم فيه ، هذا وقد سارع الشباب بتقليد " الشحات مبروك " فى النضارة " الشمس " وأصبح الريأكشن الصادق
لــ " ممدوح فرج " هو الريأكشن المحبب عند الرجال !
نَشِر فى جريدة " يا الأربع يا الخميس ... شوف إنت بقى ! "
نجم الزمالك بطل العالم ..." حبلص أبو الحلابيص "
" حلبص أبو الحلابيص ... من بعدك إحنا بلابيص " .. هتاف الزملكاويه الجديد ..
فى عادة - ربنا ما يقطعها - استطاع الزمالك وللمره العاشرة على التوازى ، إحراز كأس العالم للأندية .. لدرجة أصابت
الأوساط الكروية على مستوى العالم بالملل التام ، مما دفع الفيفا لإرسال إنذار رسمى لإدارة النادى
قائلين : اللى يكسب لواحده يزور ! ومرة عليك ومره عليا !!
ولكن هيهات ، فالزملكاوية لن يتنازلوا عن بطولتهم المفضلة أبداً وكالعادة تلاعب برنس الملاعب وبابا غنوجها " حلبص "
نجم هجوم الزمالك ، بمدافعى برشلونة وحارس مرماها والجمهور وبينا إحنا شخصياً ، وأحرز هدف الفوز فى الدقيقة الاولى
من المباراة !!! وما تلى ذلك كان أشبه بالتقسيمة .. مما دفع جماهير الزمالك لاختراع هتاف جديد تقديراً لمجهود حلبص
فى إحراز البطولة كل عام مرددين : " حلبص يا أبو الحلابيص .. من بعدك إحنا بلابيص ""
جاء ذلك على لسان مراسل القناة التامنة الرياضية .
" كوكا سمباكو .. كل دى أجازاكو "
ذكرت صحيفة " اليابانى اليوم " ، أن المواطن " واكهاما يوكاهما " قد انتحر اليوم ، عن طريق شنق نفسه تاركاً بجواره
ورقه مكتوب فيها " كوكا سمباكو .. كل دى أجازاتو "
أى
" إزاى الناس بتاخد الأجازات دى كلها .. أمال بيشتغلوا وبينتجوا إمتى يا عم "
وذكرت صديقته " تويوتا كورولا " .. أن واكهاما كان متابعاً بشغف لجدول العطلات الرسميه فى مصر .. وأبدى اندهاشاً
من هذا الكم من العطلات طوال العام .. ولم يتحمل سماع خبر عن عطله جديدة .. فانتحر على الفور .. حيثَ إنه ورد
للصحيفة أن مصر اعتمدت يوم 19 مارس عطله رسمية بمناسبة " تحرير طابا " متذكرين أخيراً أنه قد تم تحرير طابا التى لم تنل
بعد نصيبها المفروض من العطلات الرسمية ! ومن الجدير بالذكر ،
أن اليابانيين يعملون 10 أيام فى الاسبوع الواحد ، رافعين شعار ... "" لا يا ساكو لا .. اجازاكوا تانى ... لا !!! "
الفلبينيين جامدين .
استقدام مذيعات فلبينيات فى قنوات المسابقات .. هو أخر صيحه فى عالم الفضائيات .. فبعد إصابة المشاهدين
بجميع أنواع العته المنغولى .. والتخولف العقلى نتيجة مشاهدتهم قنوات المسابقات إياها بكثافة غير عادية ....
بالإضافة إلى تطليق عدد لا بأس بيه من الأزواج من معدومى العصمة .. نظراً لبصبصتهم على البناتيت القمامير اللى
بيطلعوا على الهوا مرددين " يلا كلمونا .. كلمونا يلا . " بنعومة ودلع وسهتنه مبالغ فيها ... فقامت عدة زوجات برفع قضايا ،
قاصدين خراب بيت أصحاب القنوات دى ، مما جعلهم يسارعون بفصل جميع البناتيت ، واستقدام خادمات فلبينيات
لا يفهمن العربية .. ويكتفين بالضحك والبرطمة بالفلبينية .. وتسييق أرضية القناة على الهواء مباشرة !
خبر على لسان مراسل قناة " أخبار التيت "
منظمة " عد معايا والنبى يا ضنايا " العالمية .
المصريون أكثر الشعوب انبساطاً وفرفشة ! تصريح عجيب وغريب أصدرته منظمة " عد معايا .. والنبى يا ضنايا " العالمية ..
تعلن فيه أنه بعد قيامها بعمل مسح إحصائى لعدد كبير من شعوب الأرض .. وّجد أن المصريين هم أكثر الشعوب روقانّا
وانبساطاً وإن اللى يقول غير كده ، يبقى واطى ومتواطى ...
إذ أنه لا يعقل أن يقوم شعب واحد بأنتاج هذا الكم من النكت والمطربين والأغانى وقوانين المرور والجرايد والمجلات
وبرامج المسابقات والفتاوى والدعاة وغيرها .. إلا لو كان شعب رايق ومزاجه عالى .. ومعندوش حاجه يعملها ..
وقد أصيب من قاموا بعمل المسح الأحصائى بحاله من الاندهاش العجيب نظراً لحماس المصريين غير الطبيعى لحلقات المفتش كرومبو ..
واجتماع الأسرة المصريه حول التليفزيون لحل اللغز .. فى حين رددت الحاجة " رقية " بعد فوزها بـ 1000 $ بأعجوبة ،
وبعد حماس فى الاتصالات منقطع النظير بــ " ربنا يكرم كرومبو .. ويخليه لأمه ! " نقلاً عن قناة " الحصيرة "
160 مليون فرصة عمل .. تفاصيل الخبر
فى لقاء نارى مع الأستاذ زمباوى جاب الحته السماوى ، المسئول المهم فى " وزارة القوى العاملة " فى أخطر تصريح
هذا العام بأن " الشغل عبى قفا من يشيل .. أنا مش فاهم الشباب اللى بيدّعوا إن مفيش شغل ... بيجيبوا الإشاعات دى منين بس ؟!...
ديك النهار وفرنا بتاع 160 مليون فرصة عمل !! يعنى ضعف عدد سكان البلد دى !! عشان نوسع " الأوبشنز "
ونغرق الشباب فى " الكماليات " و " نجنط " المسائل .. اللى مش عجباه الشغلانة دى ، يأخد غيرها ، والجو حر فى دى
يأخد واحده مكيفة ، دى مفيهاش بوفية لزوم الشندوشتات ، يشوف واحده فيها بوفية ، ودى كلها خناشير وعايز تطريه ...
وماله ... نعمل إية بقى أكتر من كده .. نقطع نفسنا يعنى ؟! وأنا بقول أهو من خلال جورنالكم إن مكتبى مفتوح
24 ساعة عشان أستقبل الشباب .. لدرجة إنى مش لاقى وقت أشتغل !
إحمدوا ربنا بقى .... غيركوا مش لاقى !
حوار سيد المحوراتى -- جريدة " الصبح بدرى باليل
