هتعمل\ى ايه لما حبيبك او حبيبتك يبعتلك دعوة لحضور زفافه؟؟؟؟ وبصراحة

صحيت من نومك عادى زى كل يوم بتدخل وتخرج والحياة ماشية


وفجأة كده لابيك ولا عليك جرس الباب بيرن والطبيعى انك هتقوم عشان تفتح


وتلاقى واحد محترم بيناولك دعوة فرح (وتفضل وبتاع وسلامات وشاى بالنعناع )وكده يعنى


وبعدين انت تقول (خير ان شاء الله ديم الافراح على الناس يارب)



وطبعا بتفتح\ى الكارت عشان تشوف\ى مين العروسة ومين العريس



وبتحصل الصدمة تلاقى اسم حبيبك\تك فى الكارت وانت معزوم زيك زى اى حد



وبعدين تفضل تقرأ فى الكارت تانى وتالت ورابع يمكن تكون عينيك خدعتك
ولا حاجة اصلها بتحصل كتير


لكنها الحقيقة اللى بتحاول\ى تكدبيها\تكدبها وبعدين تحاول وبسرعة تهدى نفسك وتشوف اقرب كرسى عشان ترتاح



لان الصدمة بتكون شقت القلب نصفين
حتى عينك اللى هى عينك بتقسى عليك ومش بتدمع دمعة عشان تريحك
لاء حتى الدموع كمان بتتجمد



وتحس وقتها ان مفيش فرق بين الليل والنهار لآنك صاحى فى كلا الحالتين


وبتتمنى انك تكون بتحلم


ايه بقى رد فعلك فى الحالة دى وبأمانة